Dear App aur Ary,
Sab se pehlay main aap sab team ko Mubarak bad paish karna chata hon jo es nazuq aur nafsa nafsi ke waqat main be itnay achay idea ke sath front pe aye hain. ALLAH aap sab ke hifazat farmaye aur aap ke es naikee ke kaam main madddad farmaye.
Main ne jis waqat se tv per aap ke es idea ke bare main dekha, os waqat se mujhey apne Pakistan ke liye kuch karne ke liye itnay sare ideas zayhain main aa rahe hain.
Main apna aik idea/proposal aap ke khidmat main paish kar raha hon. Baraye mehrbani es per ghoor kijiye ga aur jahan tak ho sake es main meri help kijiye ga, main ALLAH ke fazal se es kaam ko pura hotey hoe daikh raha hon, bas aap logon ka sath chaheye ALLAH aur ALLAH ke rasool sallal la ho alye wasalam ka sath tu waise be hamare sath hog a INSHA ALLAH.
Aap ke es idea ko zayhain main rakhte hoe ke koi aisa kaam karain jis se eik aam admi to faida ho, mera idea hazir e khidmat hai.
Jaisa ke aap logon ke maloom hai k ALLAH eik martaba phir humain RAMZAN jaise muqadas mahenay se nawaznain lagay hain, aur aap ko ye be maloom hai k RAMZAN main hamary taajar bhai kuch paisoon ke khatir aam se khanay ke ashiya ke sath kya karte hain. Ashiya ke qeematon ke barha kar eik aam admi ke liye unhain aur be mushkil bana dayte hain. Ghareeb admi es muqadaas maheenay main be aam naimtoon se mehroom rehta hai aur en cheezon ke hasool ke khatir na jaiz aur ghlat rastay per chalne ke liye majboor ho jata hai. Es tarahn ke aur be bohot se examples hain lakin main apne point ke taraf ata hon.
Main ne idea ye banaya hai aur es per home work be kar chukka hon. Main ne es tarahn plan banaya hai ke yahan per ramzan se pehlay pehlay eik campaign chalae jaye jis mian eik aam admi ko ye zayhain diya jaye ga ke os ne Pakistan main eik aam admi ke sehri aur iftaar ke zimadari layni hai. Jo ke majooda currency rate ke mutabiq taqreban pounds main £8 bante hain. Main ne apnay friends ke help se paksitan main 2 meal ke qeemat ka andaza taqreban 1300 rupees lagvaya hai. Ye zayada be ho sakta ha lakin hum es ko cover kar lain ge. Es tarahn eik aam admi jo uk main settle hai woh Pakistani ke eik aam admi ko £8 pouds daily basis per afford kar sakta hai. Es tarhan uk ka eik aam admi £240 mahana se Pakistan main eik aam admi ka pura ramzan afford kar sakta hai. Ye price srif eik admi ke iftar aur seyhar ke hai. Hum campaign main ye be zayhain dain ge ke eik family ke agar 6 members hain tu uk ke 6 aam admi eik family ko support kar sakte hain.
Es sare idea main sab se bara aur important point ye hai k ALLAH Aur ALLAH ke RASUL sallal la ho alye wasalm ke help se hum campaign ko kamyaab kar be lain tu es raqam ko Pakistan ke zaroorat mund logoon tak kaise poonchaya jaie. Agar eik aam admi kisi eik aam admi ko paksitan main raqam de tu ho sakta hai ke ye raqam woh apni kisi aur zaroorat ke jaga pe kharach kar de aur kisi haqdaar tak woh raqam poonch he na sake, Aur be es qisam ke bohot se masail hain jo ke aap andaza kar sakte hain. Es problem se bachne k liye main ne ye socha hai k paksitan ke youth jo ke har waqat kisi na kisi achay kaam main agay barhna chayte hain lakin koi platform na hone ke waja se aur sahi qayadat na hone ke waja se woh agay nahi aa pate, ko use kiya jaye. Pakistan main be eik campaign ARY ke platform se chalae jaye jis main youth ko ye zahain diya jaye ke apnay gird o nawah main, apnay gali muhallay main, apni city main, apni families main aise haqdaar logon ko talash karain jin tak ye youth kudh ary ke team ke qayadat main zaroorat ke ashhya poonchain. Mujhey maloom hai ke hum poray Pakistan ke baat kar rahe hain aur poray Pakistan main ary ke team qayadat nahi kar sakti lakin ARY ke poray Pakistan main reporters ka network tu hai na? har reporter ko kaha jaye ke week main atleast eik martaba camera aur crew maqami youth ke sath jaa kar haqddar logon main os ko coverage de jaye aur atlest har city main ye announce kiya jaye ke kyun sa aisa youth hai jo apne aap ko es RAMZAN ke maheenay main Pakistan ke naam kar de. Mera emaan kehta hai k hum jitna marzi ghafal ho jain, hum main abhi be emaan ka kuch hisa baqi hai. Aap sirf yahan se idea lay lain ke ye politician kaise har city main apna candidate bana layte hain aur apna naam kamatey hain. Esi tarah hum be har city, har area main eik aam admi ko leader banay ge aur un tak khany ke ashya ARY ke team poonchaye ge. Mujhey maloom hai ke hamary pass waqat ke qilat hai lakin main aap ko yaqeen dilvata hon ke agar mujhey yahan uk main ARY ke team mil jaye aur sirf 1 week dey dain , tu insha ALLAH main es campaign ko chala kar dikhaon ga. Agar aap ne es silalay main mazeed kuch information layne hai tu mujhey email be kar sakte hain aur mujhey contact be kar sakte hain. Meray pass es kisam kea ur bohot se ideas hain jo eik aam admi ke liye faiday mand ho sakte hain.
Paksitan ka aam admi